唱片店內──

甲：(拿起一張唱片)
乙：(高興大聲說)我download左呢隻碟，勁好聽！你download左未？
甲：(強笑)係咩？我對呢個歌手冇咩興趣喎。
乙：(拿起另一張唱片，大聲說)呢隻我都download左，都唔錯！
甲：呢隻我買左。
乙：(大聲說)係？早知就問你借黎聽啦，我之前BT左好耐！
甲：咦？佢出左新碟？好想買！
乙：梗係唔好買，成九十蚊一隻咁貴，番去BT算啦~
甲：得喇得喇，我地去食野啦。
乙：(臨走大聲說)呀，陣間去樓上買一疊CD-R先~
甲：........................

前日聽左成日歌，痛快！

尋日睇《Brokeback Mountain》同《Walk the Line》，好睇！

今日同屋企人打牌，一蚊一番，我贏左六十蚊，開心！

講起打牌，今朝睇報紙見到有港人係印尼打牌被判入獄，只覺得有關當局好好笑。人地係你地投消費，又唔係殺人放火，只不過係唔識當地規矩，咁就俾你判七個月監，同趕客有咩分別？

聽日同兩位家姐行街。嗯，係時候準備下謝師宴既野lu~

仲有仲有，我家姐搶左佢男朋友部NDS番黎，誓要玩個夠本！

哎呀，真係愈大愈貪靚

尋日無端端買左支剃鬚刀同剃鬚 o者喱，因為覺得自己成面鬚勁樣衰

今朝又拎左家姐支洗面膏同cream黎查，仲成日望住塊鏡，驚塊面唔夠乾淨

以前唔係冇留意，只係呢兩日個感覺特別強烈

又不要說去年法蘭西雙人組Daft Punk的《Human After All》完全失敗，若非外界對這唱片一致口誅筆伐，又將九七年的《Homework》和零一年的《Discovery》捧得這麼高，我這個普通樂迷又怎會對其首張精選《Musique, Vol.1: 1993-2005》有興趣？

Kanye West貴為Hip-Hop大紅人，擁戴者自然眾多，但討厭他的人也為數不少。當中最大的指責是他是位名監製，竟然只懂sample別人的作品，自己卻不會作曲?!對此我就沒有意見，我認為只要不是抄，歌曲好聽便行了。《The College Dropout》和《Late Registrstion》都是我愛不釋手的唱片，兩者也用了許多sampling女高音，而且找來不少音樂單位在歌曲中客串，如Jamie Foxx、Brandy等等，達致熱熱鬧鬧、沒有悶場的效果。沒想到這竟然成為了他現場表演唱片《Late Orchestration》的致命傷。

太好了，最難頂既生物科都捱過，剩番化學同附加數，仲有普通話！

(查實化學同附加數既難頂程度都不亞於生物科，只係100同99.9既分別)

今年物理同生物考試MC都勁深，睇怕化學都唔會易得去邊。

唉，呢次會考10分都冇喇~

本來都想為英文卷二出貓既事件發表意見，不過諗下諗下，發覺冇咩獨到既point好講，就此作罷，況且，我覺得以下呢篇文章既內容實在太正！

刁民公園 - 錯誤合理地出貓

突然諗番自己篇中文作文......咁就炒左

考試試場冷氣開到勁大，好涷！

但係出面成三十度喎！

浪費資源，莫過於此。