終於，五年的中學生涯完了。
這兩個月，這裡將會很少更新，遲些再算吧！
昨日──
「阿媽，你唔係話百x、惠x d野貴架咩，你又買咁多野？」
「今日報紙有張『買滿五十蚊當五蚊洗現金劵』，咪買多d野囉！」
「你買埋d野都唔等駛既，呢隻麵勁難食，上星期好辛苦先清哂，你又買番一pack?」
「本來都唔諗住買架，但係因為買唔夠錢冇印花，所以咪是但買d野湊夠數囉！」
「你湊數還湊數，都唔一定要買呢隻麵嗟，買其他野唔得咩？」
「我計過架喇，我本來差七蚊先夠數，呢pack麵值七個半，咪o岩o岩好囉！」
「你成日都買野，依家都應該有好多個印花啦？」
「係呀，我已經換左四個風筒喇，依家仲差十幾個就可以換多個喇！」
「四個？你要咁多風筒做咩？」
「唉，你地d姨媽姑姐對我地咁好，咪送個風筒俾佢地囉！」
「(咁就洗左幾千蚊，你份禮物都好大份喎......)」
